كشاب عاش ييجي 100 سنة .. كعجوز بيحكي للعيال خبرات السنين .. كعاشق لوطن ياما غنى له ويانا بكى منه ... كفنان وشاعر متع قلوب الحيارى والسهارى والفرحانين والحزانى .. وقبل كل دول ... كإنسان عاش العمر يبعتر مشاعر ... يرسم ضحكات العيون ودمعات القلوب ... ويناكف فى الأهلاوية ويتعصب للزملكاوية ... ويقولك دي الحياة فن ولعب ومدرسة.بيحكي في الديوان عن لحظات الألم والأمل والفرحة والانكسار ... يغني للوطن ويشكيله منه .. إوعى تصدق إنه بيشعر لأ ... ده بيوصفلك فوضى المشاعر.