Wonder Ntene

Bua maaka gape! (eBook, ePUB)

• Format: ePub

Produktbeschreibung

Go kile ga bo go le monna mongwe a bidiwa Tsamaya Kgang. Ngwana batho o ne a ikela ka maaka, fela jaaka leina lebe le kaya. Tsamaya o ne a rata dilo di le pedi mo lefatsheng, e leng basadi le maaka. Mothaka yo, o ne a na le mosadi yo a neng a mo rata, rati rati; a bidiwa Puleng. Basadi ba ne ba tla morago ga maaka gonne o ne a tshameka ka bona. Ka letsatsi la Labotlhano wa 16 Sedimonthole 2016, Tsamaya o ne a lebala go ya gae jaaka banna bangwe ba a tle ba lebale go ya gae monate wa tswine e ba ile tlhogong. Letsatsi e ne e le la 31 Sedimonthole 2016; Tsamaya o ne a tsena kwa Mona-O-Nwe nako e le ura ya borataro maitsiboa mme a rola palamonwana ya gagwe jaaka a ne a tle a dire pele a tswa mo sejanageng sa gagwe. Tsamaya o ne a tlwaetse go tshameka ka basadi fela ka letsatsi la go kgaola ngwaga, o ne a kopana le tsona di fuduga kwa Mona-O-Nwe. Rabasadi o ne a bona kgarebe nngwe ya moriri o mosweu jaaka semathane e tswela kwa ntle mme a e gata motlhala.
"Dumela mmabontle..." Tsamaya a dumedisa a nyenya gore o bone le mometso wa gagwe.
"Dumela Tsamaya. Apara palamonwana ya gago mme o ye gae! Ke lobaka o tshameka ka basadi fela o feditse go tloga ka letsatsi le. Maaka otlhe a o a boleletseng basadi; o tlile go a tshela nako nngwe le nngwe fa o robala. Dilo di tla boela sekeng fa o sena go bolelela mosadi wa gago tsotlhe tse o neng o di dira le basadi ba bangwe..." Kgarebe ya metlholo, ya bua e menne phatla.
Ka re le bojalwa bo ne bo tshabile mo mmeleng wa motho morago ga tse a di boneng le fa a ne a ipolelela le go ikgapeletsa gore ga a bona sepe.
Go tloga ka letsatsi la 01 Ferikgong 2017, Tsamaya o ne a tsoga mafelong a a farologaneng fa a robala go ya ka maaka a a boleletseng Puleng le basadi ba bangwe. Lefelo la ntlha leTsamaya a iphitlhetseng a tsoga go lona e ne e le kgolegelo ya Pitori, nako e ne e le ura ya borataro mo mosong. Tsamaya o ne a bitsa mapodisi go tloga go yo monnye go fitlha go Kapotene wa bona gore a tle go ba bolelela gore ga a tshwanela a bo a le kwa kgolegelong. O ne a gopola mafoko a kgarebe ya metlholo fa a ntse a goa. Kana Tsamaya o ne a apere diaparo tsa gagwe tsa go robala le dikaosu. Mapodisi le bona ba ne ba gakgamala ka mo le Tsamaya a neng a gakgametse gonne ba ne ba sa gopole ba tshwere motho a tshwana le ena.
E ne ya re ka 'tsatsi lengwe tsamaya a bo hupile, a bolelela Puleng gore o a mo rata gape a ka tsamaya gare ga molelo go mmontsha seo. Ka re motho o tsositswe ke bothitho bo a neng a bo utlwa mme ya re matlho diala a sa jeng sa motho a bulega, Tsamaya a iphitlhela a le gare ga molelo o mogolo wa naga. O ne a itse lefelo le a neng a le mo go lona, ka le ne le le mo sekgweng sa Kgabalatsane. Tsamaya o ne a goa le go bitsa lekgarebe le a neng a le bitsa la metlholo, a mo kopa gore a mo thuse mme a bona kwa molelo o neng o se bogale teng fa a ntse a goa. O ne a tlhanola direthe go sutlha teng; direthe di thula magetla ka mo a neng a taboga ka teng.
Morago ga gore molelo o rute motho molao le gore a bue nnete, Tsamaya o ne a tsoga mo bolaong jwa gagwe la ntlha morago ga nako e telele. O ne a itshola go menagane le go lemoga gore o ne a iponetse mosadi yo o siameng fela e ne ya nna se ileng se ile. E ne ya re Tsamaya a sa itumeletse go tsoga mo bolaong jwa gagwe a utlwa a kgwatha ke motho mo legetleng mme a raga dikobo ka letshogo ka a ne a ile le mogopolo gape a itse gore o nosi mo ntlong. O ne a lemoga gore ke kgarebe ya metlholo fa a lebelela.
"O lemogile gore go bonolo jang go bua nnete. Ke solofela o ithutile sengwe ka se se go tlhagetseng..." kgarebe ya metlholo ya bua e mo lebile matlhong.
"Ga ka tlhagelwa ke sepe, tsotlhe tse ke ditiro tsa gago moloi ke wena..." Tsamaya a bua a befetswe.
"Bua maaka gape..." kgarebe ya metlholo ya bua le go nyelela.

---

Dieser Download kann aus rechtlichen Gründen nur mit Rechnungsadresse in A, B, CY, CZ, D, DK, EW, E, FIN, F, GR, H, IRL, I, LT, L, LR, M, NL, PL, P, R, S, SLO, SK ausgeliefert werden.

Produktdetails

• Verlag: Wonder Ntene
• Erscheinungstermin: 19. August 2022
• Tswana-Sprache
• ISBN-13: 9781005479060
• Artikelnr.: 70044639

Autorenporträt

Wonder Ntene o tsetswe ka 03 Motsheganong 1982. O ne a nna kwa Shivhambo, lefelo le ga jaana le bidiwang Odinburg. Wonder ke ngwana wa bobedi go bana ba le bane ba ga Pauline le Klaas Ntene, basimane ba le bararo le kgaitsadiabona a le mongwe. O simolotse sekolo kwa Poraemari ya Phutha kwa Klipgat ka ngwaga wa 1990-1991. Wonder o ne a tswelela kwa Poraemaring ya Kgabalatsane go tlhogo ka 1992-1995. Morago ga Poraemari o ne a tswela pele ka dithuto sekolong-gare sa Meriting ka ngwaga wa 1996-1998 gona kwa Kgabalatsane. O ne a ye sekolong segolo sa Micha-Kgasi kwa Kgabalatsane, go tloga ka 1999-2001. Ka ngwaga wa 2002-2005, o ne a ithutela Diploma ya Labour Relations kwa Pretoria Tech jaaka e ne e bidiwa peleng, e ka ga jaana e bidiwang Tshwane University of Technology. Ka ntlha ya go tlhoka tiro, o ne a simolola Iron Clad Productions kgwebo ya go dira le go gatisa mmino le tsala ya gagwe ka ngwaga wa 2009. Iron Clad Productions e ne ya fetolelwa go Iron Clad Ink. O rata go thusa le go abela baŝwa kitso e a nang nayo le go thusa ka mo a ka kgonang kwa motseng wa Kgabalatsane.