Peace Ntiwane

Bucubu (eBook, ePUB)

• Format: ePub

Produktbeschreibung

Bucubu yincwadzi leligcogco letinkondlo teSiswati lebhalwe nguPeace Ntiwane. Ngilibita ngekutsi Bucubu ngobe ngisusela kulesaga lesitsi "bucubu lobuhle buhamba ngabubili" lokusho kutsi loyo lophumelelako ngulonebantfu labambonisako noma labamsitako. Loko ngikutsatsa ngendlela imphilo lekufanele ibe ngakhona kutsi sibonisane futsi sisitane kunayi indlela yemphilo lesekuyimvela kancane kulesikhatsi sanamuhla. Kantsi ngiko nayi incwadzi noma tinkondlo letikuhlosile kutsi libe ngumbonisi, libe ngumsiti nemkhomba ndlela kuloyo loyifundzako ikakhulu lusha. Lena ncwadzi ikhutsata kakhulu kuphilisana kahle emkhatsini kwebantfu, kulalela, kucolelana, kugcugcutela, kuvuselela litsemba nesimilo ebantfwini. Icuketse tinkhondlo telutsandvo, kubonga, inhlonipho, kubuyisana nekutsandzana. Nati tinkondlo longeke wafuna tikuphutsele, Ngivikele lehlaba kakhulu lesihlava sekuhlukunyetwa kwabomake nebantfwana pheceleti i-GBV, Makhelwane lekhutsata kubuyisana nebudlelwane lobuhle emiphakatsini, Lomfundvo ikutsata imfundvo iphindze ivete imivuzo lemihle yemfundvo, Sebaphucuka ebantfu ayimnandzi yehla esiphundvu ilandzisa ngemphilo yamandvulo indlela beyimnandzi ngakhona, ikhona letsi injobo itfungelwa ebandla lekhutsata kutsi bobabe bakhulume ngetinkhinga lababukana nato futsi ibayale ngekutsi bangatibulali ngenca yebumatima bemphilo, ikhutsata kutsi kukhuluma kuyasita, khona letsi Tasetinkhundleni tekuchumana nayo ungayiphutseli.

---

Dieser Download kann aus rechtlichen Gründen nur mit Rechnungsadresse in A, B, CY, CZ, D, DK, EW, E, FIN, F, GR, H, IRL, I, LT, L, LR, M, NL, PL, P, R, S, SLO, SK ausgeliefert werden.

Produktdetails

• Verlag: Peace Ntiwane
• Erscheinungstermin: 28. September 2023
• Swazi
• ISBN-13: 9798223758792
• Artikelnr.: 69227165

Autorenporträt

Mayelana Peace Ntiwane

NginguPeace Ntiwane ngikhulele endzaweni yaseMadadeni Sihlangu 05 eNkomazi. Lapho ngifundze khona emabanga ami laphasi eSihlangu primary school bese ngaphotfula emabanga ami lasetulu eDlamadoda Secondary school. Ngingumbhali lobhala ngelulwimi lweSiswati kantsi ngikhonte kakhulu kubhala tinkhondlo. Kulonyaka wa 2023 ngimatasa ngekuphotfu tifundvo taseNyuvesi lapho ngifundzela ticu tebuthishela.