Gerda Taljaard

Die Laksman se dogter (eBook, ePUB)

• Format: ePub

Produktbeschreibung

Die vertrek waarin ek my opgestopte voëltjies in glaskissies uitgestal het, het ek ontruim. Ek het die voëleiertjies en -neste, asook kassette met opnames van voëlgeluide in bokse gepak. Dit het my te veel aan Pa laat dink, en aan hom wou ek nie dink nie. Want dan het ek vir Annalisa gehaat, en 'n ma mag haar kind nie haat nie. Hulle is onder 'n kareeboom in die agtererf besig om na 'n janfiskaal te kyk wanneer haar tronkdokter-pa by Rosaria bieg dat ook hý 'n tipe laksman is. By Pretoria-Sentraal, waar hy die gehangdes se doodsertifikate uitreik, dien hy soms ook die genadeskoot toe. Maar sê nou van daardie tereggesteldes was onskuldig? wonder Rosaria. Nou, jare later, en kort ná die raaiselagtige dood van haar dogter Annalisa, onthou Rosarie die nonnetjiesuil wat sy en haar aweregse dogter grootgemaak het. Dit was voor Annalisa se rockmusiek van haar 'n kultusfiguur gemaak het, en voordat sy haar rug op haar ma gedraai het. Rosaria se worsteling strek verder terug as haar kind se dood. Haar verlede word verder oopgeruk wanneer Annalisa se dogtertjie haar verskyning maak - 'n kleinkind waarvan Rosarie nooit geweet het nie. Maar hoe het haar dogter gesterf? En hoe naby aan 'n laksman is Rosaria self?

---

Dieser Download kann aus rechtlichen Gründen nur mit Rechnungsadresse in A, D ausgeliefert werden.

Produktdetails

• Verlag: Kind World Publishing
• Seitenzahl: 272
• Erscheinungstermin: 11. August 2017
• Afrikaans
• ISBN-13: 9781485903123
• Artikelnr.: 48920024

Autorenporträt

Gerda Taljaard is die skrywer van die romans 'n Engel in die hoenderhok, Kelder en Die laksman se dogter asook die kortverhaalbundel Maansiek. Haar gedigte en verhale verskyn in verskeie publikasies en sy is met die Litera- en De Compagnie-prys vir beste kortverhaal bekroon. Die laksman se dogter het ook 'n kykNET-Rapport-prys gewen. Sy woon in Pretoria en werk as akademikus.