Gömul kona býr ein fjarri allri byggð og gætir gæsa sinna. Dag hvern rogast hún með grös og ávexti utan úr skóginum á bakinu án þess að kikna. Fólki líkaði ekki við gömlu konuna og töldu hana göldrótta. Dag einn verður á vegi hennar ungur og hraustur piltur sem býðst til að aðstoða hana við að bera níðþungar byrðarnar heim. Pilturinn fær að launum litlar öskjur meitlaðar úr smarögðum sem gamla konan sagði myndu ráða hamingju hans. Þegar hins vegar pilturinn kemur til borgarinnar er hann færður til hallarinnar og fyrir konunginn þar sem litlu öskjurnar reynast ráða meiru en bara hamingju unga piltsins. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál. Þjóðsögur Grimmsbræðra hafa tekið töluverðum breytingum í aldanna rás án þess þó að missa upprunalegan boðskap sinn og í dag ganga þjóðsögur Jacobs og Wilhelms einfaldlega undir nafninu Ævintýri Grimmsbræðra.