Aritz Galarraga

Humanitatearen une gorenak (eBook, ePUB)

• Format: ePub

Produktbeschreibung

«Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi zuen Stefan Zweig austriarrak. Horretaz kontziente, Aritz Galarragak liburu honetan bildu ditu humanitatearen une goren batzuk, alegia, eguneroko bizitza arruntaren gauza txikiak, gorabehera ezdeusak, lehen kolpean atentzio berezirik ematen ez dutenak, aktualitatearen diktaduratik urrundu eta inguruko errealitateari begiratzen diotenak. Ezinbestean agertzen dira hala irakurketak, lagunarteak, kotidianitateak eskaintzen dituen sorpresa atseginak –eta, batzuetan, ez hain atseginak–. Paseoaz, siestaz, ardoaz ari zaizkigu testu batzuk, hilerrietako bisita, edertasun, inskripzioez beste batzuk, Mitteleuropaz, Mediterraneoaz, noski Frantziaz, eta ia-ia pertsonaia balira bezala azaltzen dira Annie Ernaux, Chantal Akerman, Antoine Compagnon edota MZ; eta, besteren gainetik, haiek sortutako obrak. Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat da, Michel de Montaignek ireki zuen bidetik, idazlearen kezka itxuraz hutsalak, eta era berean erabat unibertsalak, modu pertsonalean ekartzen dituena.

Produktdetails

• Verlag: Alberdania
• Seitenzahl: 188
• Erscheinungstermin: 8. November 2022
• Baskisch
• ISBN-13: 9788498687712
• Artikelnr.: 66376988

Autorenporträt

ARITZ GALARRAGA (Hondarribia, 1980) Arte eta Literatura ikasketak egin ditu Bilbo eta Bartzelonan. Unibertsitate irakasle gisa aritu da UABn, UBn eta EHUn. Ipuin katalan garaikideak biltzen dituen Hobe kontatzen ez badidazu (2014) liburuko aukeraketa eta hitzaurrea egiteaz gain, Joxemari Iturralde (Kaleidoskopioa, 2012) eta Joxemiel Bidador (Klasiko bitxi, arront klasiko, 2016) idazleen prentsarako artikuluen edizio bana prestatu du. Salvador Espriu eta Joan Vinyoli idazle katalanen poemak itzuli ditu euskarara, eta Gabriel Ferraterren antologia bat publikatu du Munduko Poesia Kaierak bilduman. Euskal hedabideetako ohiko kolaboratzailea da, Argia, Berria, Deia, Erlea, Euskadi Irratia, The Balde eta abarretan. Estralanak lanean (2017) bildu dizkiote prentsarako idatzi dituen testu esanguratsuenetako batzuk. Posteritatea izenekoan (2020), aldiz, hamar urtez idatzitako nobedade ez diren liburuen iruzkinak. Argitaratu duen azken liburua Gogoan dut (2021) oroitzapen bilduma da.