Hans Du Plessis

Inboekeling (eBook, ePUB)

• Format: ePub

Produktbeschreibung

Hy word met 'n riem op die werf aangesleep. 'n Seun. 'n Vreemdeling. Van balans af op sy lomp voete, die slaphandhoed diep tot op sy bakore getrek, rooi in die gesig van die riem om sy nek. Die mense wat hom staan en aangaap, is nie vreemdelinge gewoond nie. Hier waar hulle woon, het niemand vantevore gewoon nie. Hul leier het hul trek 'n jaar of ses gelede tot hier gelei, met sy velskoen se hak in die grond gekap, sy groot hand besitlik gewuif en die gebied tot sy eiendom verklaar. Hier is sy woord wet. Die sieleherder het sy gesag uit die Bybel bekragtig. Ook oor die inboekelinge, daardie kinders wat ná skermutselinge met die inheemse mense teruggebring is laer toe. Die pa's en die ma's het hulle geskiet - veediewe, almal van hulle - en die kinders is weggevoer om as slawe groot te word. _x000D_

_x000D_

Inboekelinge._x000D_

_x000D_

Die seun aan die tou sien 'n swart meisie vanuit 'n tuitkappie na hom staar. Eers later, toegesluit in 'n smidswinkel, sal hy agterkom wie en wat sy is. En as hy saamgeneem word op 'n ekspedisie om gesteelde vee terug te kry, sal hy te staan kom voor die godskreiende werklikheid van háár lewe: 'n kind wat tussen die lyke van haar ouers opgeraap en op die saal van 'n ruiter weggevoer is._x000D_

_x000D_

En dit sal hierdie eenvoudige seun wees, wat aan 'n riem op daardie trekkerswerf aangesleep is, wat dit dat daar in die hinterland tuisbring dat daar geen durender band is, g'n tou so sterk nie, soos die verbintenisse wat die hart aangaan._x000D_

_x000D_

Inboekeling is oorrompelend in sy uitbeelding van eenvoudige hartstog. Dit is die verhaal van 'n seun wat grootgeword het in die wordingsjare van die moderne Suid-Afrika, en help gestalte gee het aan wat ons deesdae onder die woord "vryheid" verstaan.

---

Dieser Download kann aus rechtlichen Gründen nur mit Rechnungsadresse in A, D ausgeliefert werden.

Produktdetails

• Verlag: Tafelberg
• Seitenzahl: 208
• Erscheinungstermin: 15. August 2014
• Afrikaans
• ISBN-13: 9780624069362
• Artikelnr.: 43889414

Autorenporträt

Hans du Plessis is op 15 Januarie 1945 in Pretoria gebore. Hy matrikuleer aan die Afrikaanse Hoër Seunskool, Pretoria. Hy behaal 'n B.A.-graad aan die Universiteit van Pretoria waarna hy in 1966 begin skoolhou. In 1975 verwerf hy sy doktorsgraad in Afrikaanse taalkunde aan Unisa en ontvang 'n senior beurs van die RGN in 1976 en studeer verder aan die Harvard Universiteit in die VSA. Hy hou ses jaar skool en word in 1972 lektor in taalkunde aan Unisa en in 1977 senior lektor by die RAU. In Januarie 1981 word hy professor in Afrikaanse Taalkunde aan die PUK en in 1990 Direkteur van die ATKV-Skryfskool van die Noordwes-universiteit. Hy tree aan die einde van 2011 af en is tans voltydse skrywer en navorsingsgenoot, Navorsingseenheid, Taal en Literatuur in die Suid-Afrikaanse konteks, Noordwes-universiteit, Potchefstroomkampus. Hans du Plessis is bekend as navorser, akademikus, digter, dramaturg, rubriek-, roman- en jeugboekskrywer. Afgesien van verskeie akademiese boeke en artikels in nasionale en internasionale vaktydskrifte, debuteer hy in 1978 as skeppende skrywer met die digbundel Kleinwild. Daarna verskyn nog vyf digbundels, drie jeugromans, ¿ bundel rubrieke en ses romans. Die laaste drie is historiese romans met die Groot Trek as agtergrond, waarvan die jongste, Inboekeling, in 2014 by Tafelberg verskyn.