Marten "Doc" van der Merwe

'n Kwessie van tyd (eBook, ePUB)

• Format: ePub

Produktbeschreibung

Op 'n stormagtige nag in 'n Engelse herehuis word 'n jong vrou grusaam vermoor. Sy vat 'n eienaardige geheim na haar graf toe en die moordenaar verdwyn soos 'n skim in die nag. Twintig jaar later by een van die wêreld se mees eksklusiewe perdewedrenne is dit die buiteperd wat onverwags die kroon wegdra. In een van die losies staan Henry Clarke stomgeslaan. Hy het sopas iets onmoontlik sien gebeur. Op 'n klein wildsplaas in die noorde probeer Jan Brand vir hom so tussen die stof en droogte 'n nuwe lewe staanmaak. Vir so 'n jong man het hy al baie geleef. Nes hy dink hy kan die stad agter los en in vrede begin boer, ontvang hy 'n uitnodiging van sy skatryk buurman, einste Henry Clarke. Dié wil Brand as privaatspeurder aanstel om 'n raaisel in die ruitersport op te los. Kort daarna verdaag Brand na Kaapstad, waar 'n geheim begrawe deur tyd, geld en mag vir hom wag, tesame met die mense wat bereid is om te moor om dit so te hou. Jan Brand mag dalk die stof van sy hande af gewas het, maar binnekort gaan hulle vol bloed wees.

---

Dieser Download kann aus rechtlichen Gründen nur mit Rechnungsadresse in A, D ausgeliefert werden.

Produktdetails

• Verlag: University of Pittsburgh Press
• Seitenzahl: 312
• Erscheinungstermin: 1. Juli 2022
• Afrikaans
• ISBN-13: 9781776352265
• Artikelnr.: 64247383

Autorenporträt

Marten "Doc" van der Merwe het gepraktiseer as medikus vir meer as dertig jaar saam met vroulief. Hulle is al bykans ¿ halwe eeu getroud. Hulle woon aan die Wes-Rand en het twee kinders, ¿ seun (ook medies) en ¿ dogter wat in Australië woon. Die skryfgier kom al van jongs af, maar dit is eers ná aftrede dat daar werklik tyd ingeruim is vir die geestesverryking wat skryf bied. Die skryfproses is vir hom vermaaklik; die idee dat andere sy stories kan geniet, heel prettig. Hy kan net hoop dat sy karakters die lesers net soveel plesier sal verskaf as wanneer hulle vir hom in die oor fluister.