Zandile Mamela Qinga

Ndixolele (eBook, ePUB)

• Format: ePub

Produktbeschreibung

uNdixolele libali elingentwazana uNoluvuyo, owathi ngenye imini evela emsebenzini wadibana nexhego awathi walinceda lisengxakini.

Uthi xa evalelwe yimvula eyatsho ngamandla esendlwini yeli xhego, bafumana ixesha lokwazana, into leyo eyabenza babaliselana ngeziganeko ezithile ebomini babo. Kuye kuhlwe ke eselapho uNoluvuyo ngenxa yokukhululeka komphefumlo wakhe kwelo khaya. Uthi xa elungiselela ukugoduka, imvula isanqumamile. Kunkqonkqozwe emnyango.

Ukungena kwelo ndwendwe kwamothusa kakhulu uNoluvuyo, yanikezel' ingqondo waf' isiqaqa. Wothuka apho ixhego nendwendwe elo libhidekile ngulo mothuko ungaka. uNoluvuyo apho untywizisa iinyembezi ngokungazenzisiyo ziinkumbula ezibuhlungu ezaziquka indwendwe elo.

Okulandelayo kulo mzi, luvavanyo lweentliziyo zabo bangaphakathi, ukuba bakulungele na ukuxola, baxolele, ukuze bajongane namangomso ayakuthi ohluke kwizinto zakudala. Amangomso anokuthi kanti anoxolo nezinto ezimangalisayo ezingalindelekanga nezimnandi, zonke zisenziwa kukwenza isigqibo esinzima sokuxolela.

---

Dieser Download kann aus rechtlichen Gründen nur mit Rechnungsadresse in A, B, CY, CZ, D, DK, EW, E, FIN, F, GR, H, IRL, I, LT, L, LR, M, NL, PL, P, R, S, SLO, SK ausgeliefert werden.

Produktdetails

• Verlag: Zandile Mamela Qinga
• Erscheinungstermin: 13. September 2018
• Xhosa-Sprache
• ISBN-13: 9780463495247
• Artikelnr.: 53905057

Autorenporträt

Ndizalelwe kwilokishi yaseGugulethu eKapa, ndizalwa ndinomlingane owayefana ncimishi nam, ndiliwele, lona elingasaphiliyo namhlanje. Bonke ubomi bam bobuncinci ndade ndamdala ndibuphile neli wele singohlukani, wade wabhubha. Ndinabo noodade ababini, uVuyelwa noPinki. Ndifunde amabanga amancinci eKapa, izifundo eziphakamileyo zandibeka esinaleni eQoboqobo naseEastern Cape eUniversity yaseTranskei (UNITRA) ngeminyaka ye90's. Ndiphangele kwelo phondo ixeshana phambi kokuba ndibuyele eKapa. Ndinabantwana ababini, uNande noUnathi.