François Bloemhof

Pad na jou hart (eBook, ePUB)

• Format: ePub

Produktbeschreibung

Iets anders! François Bloemhof slaan 'n nuwe rigting in met 'n roman gebaseer op 'n draaiboek deur die bekende akteurs Ivan Botha en Donnalee Roberts. Hulle speel in die gelyknamige rolprent en dié pad van liefde het meer as net 'n paar kinkels en draaie.

Basson is 'n verwaande jong man wie se pa aan hom 'n lys uitdagende opdragte bemaak as hy die familiebesigheid wil oorneem. Hy het boonop min tyd. Wanneer Basson 'n sorgvrye meisie met haar eie lys onafgehandelde sake ontmoet, gaan sy dinge vir hom makliker of moeiliker maak? Kom vind die antwoord - en jóú ware noord.

---

Dieser Download kann aus rechtlichen Gründen nur mit Rechnungsadresse in A, D ausgeliefert werden.

Produktdetails

• Verlag: Queillerie
• Erscheinungstermin: 20. November 2013
• Afrikaans
• ISBN-13: 9780624065777
• Artikelnr.: 48057990

Autorenporträt

FRANÇOIS BLOEMHOF is die enigste skrywer ter wêreld wat so uitgebreid en suksesvol vir die volwasse, tiener- én jeugmarkte skryf. Hy is meermalig in elke kategorie bekroon, insluitend met die De Kat-prys vir sy debuutroman Die nag het net een oog. Van sy ander pryse sluit etlike ATKV-Veertjies in, waar lesers self hul wenboeke aanwys. Daarbenewens het hy al tekste vir die verhoog ('n kabaret, drama en twee tienertoneelstukke) en radio (dramas en vervolgverhale) gelewer. Onder sy baanbrekerswerk (op wêreldwye vlak en nie bloot plaaslik nie) tel die eerste boek met 'n oorspronklike (selfgekomponeerde) CD-klankbaan, eerste boek met 'n eie rekenaarspeletjie, eerste Flipom, eerste interaktiewe vervolgverhaal (in Rapport) en eerste tydskrifroman. Daarbenewens het hy ook gesorg vir die eerste Afrikaanse strokiesreeks en die heel eerste e-boek in Afrikaans. Hy is 'n vryskut-taalpraktisyn asook -kopieskrywer, -resensent, -joernalis en -samesteller. Hy was ook al verhaleredakteur by Sarie en boekeredakteur by Die Burger. Rolprent- en musiekwerk is sy nuutste "tydverdrywe". Hy woon in Durbanville.